Xornal Escolar

O María Inmaculada de Verín móllase polos ríos

Os alumnos da asignatura de “Mobilidade escolar sostible e segura” do colexio María Inmaculada de Verín saíron polas rúas da vila con dous obxectivos. Por unha banda, tratábase de celebrar o Día mundial sen coches e, ó mesmo tempo, concienciar á poboación verinesa sobre a necesidade duns medios de transporte máis sostibles e saudables. Ademais, aproveitaron a saída para achegarse ata o río Támega para facer traballos de retirada de lixo no seu entorno dentro da iniciativa de limpeza simultánea “Móllate polos ríos” de Adega, organizada dentro do Proxecto Ríos e promovida por Augas de Galicia e a Xunta. Así os escolares de Verín, neste caso os de segundo de ESO, no perden ocasión de amosar o seu compromiso co medio ambiente realizando pequenas accións locais con grandes resultados.