Xornal Escolar
O Samaín nos colexios da cidade
Son varias as datas que os alumnos marcan con grandes letras no calendario escolar. O Samaín tense convertido nos últimos anos nunha delas. Cada vez son máis os centros educativos que se apuntan a converter o edificio nun escenario terroríficamente divertido durante un día, no que alumnos e profesores elixen as súas galas máis medorentas para compartir unha xornada moi especial.
Este ano, despois dunha celebración máis tímida no pasado curso por causa da pandemia, o Samaín chegou con moita forza e ningún colexio da provincia quixo faltar á cita co medo. Obradoiros, teatro, lecturas, concursos, festas, bailes… Calquera opción é boa para festexar esta tradición ancestral. Aquí che deixamos algunhas das festas que celebraron os máis novos de Ourense.