Aberto o prazo para a preparación do Celga en Allariz

Os cursos para a preparación dos exames de Celga dous, tres e catro comezarán na Fundación Ramón González Ferreiro de Allariz o vindeiro mes de marzo, tal e como anunciaron dende a propia entidade. As clases terán lugar en horario de mañá e nelas traballarase tanto a parte oral do exame, como a práctica.

A formación será na Aula F e, para obter máis información, pódese remitir un correo a administracion@fundacionrgf.org.