Allariz propón música e contos para a familia

O Concello de Allariz propón para hoxe un obradoiro para a cativada de entre 2 a 6 anos que combina contos, música e danza, e que require a participación activa de pais, nais e titores. A contacontos xienense Getse Valenzuela, responsable da dinámica, explicaba que se trata dunha actividade “para las familias, una clase de música y de danza con un toque de literatura, pensado para que los más pequeños compartan tiempo con sus padres y madres”.

Esta iniciativa terá lugar no segundo andar do Fogar dos Maiores, con dúas quendas: de 11:00 a 12:00 e de 12:00 a 13:00 horas. Os interesados terán outra oportunidade os vindeiros 15 de febreiro e 15 de marzo, podendo inscribirse nos teléfonos 988 55 40 59 ou 683 61 46 91 ou no correo fogardosmaiores@allariz.gal.

“Canticontos de Inverno”

O próximo mércores, 15 de xaneiro, Getse Valenzuela será tamén a encargada dun contacontos na biblioteca municipal para cativos de 3 a 8 anos. Inscricións ata completar aforo no teléfono 988 44 08 59 ou no correo cultura@allariz.gal.