Baños de Molgas reclama a igualdade con pintura colectiva

O Concello de Baños de Molgas levará a cabo hoxe unha actividade colectiva encamiñada a mover conciencias e a loitar contra a violencia machista e en favor da igualdade de xénero.

Tal e como informou a voceira municipal, María Mangana, a iniciativa consistirá en pintar conxuntamente o muro dun parque infantil rematado recentemente no rúa do Agro. Nesta actividade, que arrancará ás 10,30 horas; participarán, ademais de mulleres do concello, un grupo de nenos e nenas da localidade.

O obxectivo é, tal e como subliñou Mangana, “reivindicar dende o noso concello a igualdade e a nosa loita contra a violencia de xénero”. Así, o novo espazo lúdico que teñen os pequenos de Molgas, que se inaugurará próximamente, será tamén un punto de reivindicación neste concello.

O Concello de Baños de Molgas non contaba cun parque destas características e acondicionouse en marzo deste mesmo ano. Ademais, na mesma actuación, consolidouse o muro exterior, que se atopaba moi deteriorado.