O Premio de Ciencias Sociais Vicente Risco celebra 30 anos

A Fundación Vicente Risco vén de convocar o XXX Premio Vicente Risco de Ciencias Sociais, un galardón que busca honrar a súa memoria e fortalecer as relacións de Galicia e Portugal e a lusofonía.

Os concellos de Allariz, O Castro de Caldelas e Melide; a Deputación de Ourense; a Universidade de Trás-os-Montes e Alto Douro e as de Santiago e Vigo; Caixa Rural Galega e Daveiga, xunto á Fundación, presentaron as bases do premio que contará cun valor de 6.000 euros. Poderá participar calquera que presente os textos orixinais e non publicados antes en lingua galega ou portuguesa, e que aborden investigacións referentes a Galicia ou ao norte de Portugal. A data límite para o envío é o 28 de febreiro de 2026.