O alcalde de Os Blancos prevé sanear as débedas

Estes servizos municipais mínimos son os de abastecemento domiciliario de auga potable, saneamento, pavimentación de vías públicas e acceso a núcleos de poboación e iluminación pública do concello por un prazo inicial de dous anos.

A asunción dos servizos municipais pola Deputación viña motivada pola gravísima situación de risco financeiro na que se atopaba o concello, que tivera que acollerse a un préstamo co fin de poder pagar a súa débeda.

A Deputación de Ourense en base as prórrogas solicitadas para pagar a débeda do Concello de Os Blancos ao longo distes anos, estableceu como condición para futuras prórrogas, un incremento nos impostos e destinar a cantidade prevista a favor do Concello dos Blancos no Plan Provincial de Cooperación ás Obras e Servizos Municipais da Deputación á amortización de débeda e non conceder ningún tipo de subvención.

José Manuel Castro, alcalde dos Blancos dixo que “os veciños poden estar tranquilos e confiar en min, xa que eu vou responder”.