O Certame de Debuxo do 25N de Vilar de Santos implica aos máis pequenos

O prazo de presentación de obras para o Certame de Debuxo do 25 de novembro de Vilar de Santos será ata o día 20. Poderán participar todos os nenos do concello de entre 3 a 14 anos, co obxectivo de sensibilizarles sobre a igualdade e a diversidade. Tamén buscan implicar á veciñanza no respecto ás diferencias, e na loita por unha sociedade libre, máis igualitaria, segura e tolerante.

Os debuxos presentados deberán mostrar os valores da igualdade, a diversidade e o respecto e tolerancia, das orientacións sexuais, crenzas relixiosas (a técnica será libre). Serán presentados e publicados nas redes sociais e os debuxos poderán ser empregados ademais como base para a realización de calendarios, axendas escolares ou calquera outro que se poida estimar por parte do Concello.

O xurado estará composto polo alcalde, un concelleiro e a traballadora social do Concello, sendo o seu veredicto inapelable. O debuxo gañador darase a coñecer nas redes sociais do Concello o día 25 de novembro. O premio consistirá nun vale para material didáctico e tamén haberá un pequeño agasallo para cada participante.

O Concello deu conta tamén dos resultados obtidos no ano 2023 polo Servizo de Promoción da Igualdade e prevención da Violencia de Xénero do Concello de Vilar de Santos, cofinanciado polo Fondo Social Europeo e a Xunta de Galicia a través da Consellería da Promocion de Emprego e Igualdade.

As actividades, que estaban dirixidas ás mulleres do concello, comezaron en xuño, e estiveron relacionadas coa promoción da saúde e o autocuidado das mulleres, mellora da súa autoestima e outras habilidades que contribuíron a asentar coñecementos, gañar autoconfianza e reforzar as posibilidades de integración social e laboral das participantes. O resultado máis positivo foi o incremento da participación, que aumentou ata as 34 participantes, atraídas polas actividades de promoción da saúde.