En Santa María de Faramontaos celébrase esta festa en honra á Nosa Señora da Asunción en agosto. Celebraranse actos relixiosos en honra á virxe e as xornadas de festa estarán amenizada por actuacións musicais.
Sábado 12
Comezan as festas en Faramontaos en honra á Nosa Señora da Asunción a partir das 20,00 horas coa asamblea de asociación de veciños e a degustación dun viño galego. Ás 21,00 horas, actuación do grupo Os do Fuelle e discoteca móbil e karaoke con Dj Vila.
Domingo 13
Ás 19,00 horas celebrarase unha gran festa infantil con karaoke e colchóns, e servizo de comida con Galetruck. Ás 23,00 horas dará inicio a actuación do grupo Broken Peach e discoteca móbil con Dj Vila.
Luns 14
Pola noite celebrarase unha gran verbena co grupo Area e a partir das 03,00 horas, actuación do Dj Sandín.
Martes 15
Comeza o día de festa con pasarúas e con charangas ao longo da mañá, ás 12,30 horas celebrarase a procesión e misa solemne en honra á Nosa Señora da Asunción. A continuación dará inicio a sesión vermú e festa co grupo Xoldra.
“A festa son 4 días, un día para a asociación. O domingo, luns e martes as festas son para todos os veciños. O domingo traemos o grupo Broken Peach, tamén haberá unha Foodtruck. O luns e o martes temos a típica verbena de festa”, conta Maica, da comisión de festas de Faramontaos.
“Comezamos en abril a organizar, e levamos tres anos sin a festa por culpa da pandemia. O ano pasado non se fixo porque ninguén a organizou. A útlima vez foi no ano 2019, polo que esperamos que a xente teña moitas gañas de festa e se anime a vir”, explica Maica.
“Na praza do pobo temos o campo da festa, onde se vai festexar todo. Somos seis persoas da comisión, tres homes e tres mulleres. Esperamos que salga todo ben e a xente poida desfrutar das festas de Faramontao”, conclúe.