A Lagoa de Antela protagonizou o Día dos Humidais en Sandiás

A Lagoa da Antela protagonizou onte en Sandiás, os actos conmemorativos do Día Mundial dos Humidais organizados por SEO/BirdLife, en colaboración coa Sociedade Galega de Ornitoloxía (SGO) e a Sociedade Galega de Historia Natural (SGHN).

O Centro de Interpretación foi o escenario dunha xornada especial onde se falou da historia e do futuro deste “humidal esquecido” que foi desecado a mediados do século pasado da man de Serafín Prieto da SGHN, pero das posibilidades da súa recuperación parcial e da riqueza ornitolóxica con Diego Rodríguez. Gustavo Ferreira, delegado de Seo Bird Life, foi o encargado de abordar a situación actual dos humidais en España que, segundo un recente informe, “ o 70% dos humidais a nivel nacional están en mal estado”, dixo, enfatizando o contexto actual cun climia cambiante e as agresións humanas. A peor parte, dixeron, está nas rexións mediterránea. No caso do clima atlántico, é un pouco mellor pero sen descoidarse”, dixo.

A xornada concluíu cunha visita dos participantes aos humidais da Limia, cun percorrido pola zona das areeiras e tamén na Veiga de Gomareite.