“Mulleres símbolo do rural” chega a Arnuide

A mostra “Mulleres símbolo do rural”, promovida pola Asociación Escola Rural de Saúde da Limia e protagonizada por mulleres que realizaron un importante labor na Comarca da Limia en diferentes eidos -fotografía, medicina ou etnografía, entre outros moitos ámbitos-, chegará a Vilar de Barrio logo de ser inaugurada no Concello de Porqueira, o pasado mes de abril, e pasar polo Concello de Xinzo.

A inaguración será este venres 20 de maio, a partir das 18,00 horas, no Centro Social de Arnuide, no Concello de Vilar de Barrio.

“Mulleres símbolo do rural” conta tamén co respaldo da Xunta de Galicia, a través da Consellería de Emprego e Igualdade; da Deputación e do Goberno central. Protagonizada por diferentes mulleres, pretende facer un repaso ás diferentes achegas que fixeron á hora de conformar a identidade cultural e desenvolver o rural da Limia.