A Praza Maior de Xinzo xa presume da exposición “Ritos e Crenzas Castrexo-Romanas”. Unha mostra cultural que se asentou neste espazo para que veciños e visitantes poidan coñecer máis sobre a historia de Xinzo de Limia e as súas tradicións.
Esta iniciativa, organizada pola Asociación Cultural Civitas Limicorum, enmárcase no programa da XXIII edición da Festa do Esquecemento, que se celebrará os días 18, 19 e 20 de agosto, enchendo a vila de visitantes e cunha repercusión positiva na economía local.
A exposición “Ritos e Crenzas Castrexo-Romanas” estará activa ata o vindeiro 27 de agosto e todos os interesados en coñecer máis sobre a historia destas dúas culturas na Limia e o paso do Río Lethes poderán adquirir os seus cómics e revistas no acceso aos campamentos despregados estes días en Xinzo. Marcos Argibay, presidente da asociación, explica que o obxectivo deste traballo histórico é “o de transmitir esa cultura, esa historia común que temos, as súas costumes e os seus ritos, contribuíndo a esta cita tan importante”.
