Os museos alaricanos ampliaron os seus horarios

Os museos do concello de Allariz xa disfrutan nestes días do seu horario de verán. A finais da pasada semana, os coordinadores dos tres espazos -Museo da Moda, Museo do Coiro e Museo do Xoguete- anunciaron a correspondente modificación para os meses de xullo e agosto. Despois do descanso deste luns, as mostras voltarán mañá martes co seu novo horario. Este prolongarase de martes a domingo dende as 11,00 horas, ata as 14,00 horas -pola mañá- e de 18,00 horas a 20,00 horas -polas tardes-.

Por outra banda, dende o pasado 1 de xullo tamén se ampliou o aforo máximo destes lugares. Actualmente poden acceder a eles un total de 15 persoas con mascariña e distancia de seguridade.