Paderne ultima a súa Galiña Azul

O rexedor de Paderne de Allariz, José Manuel Fernández, explicou que a Galiña Azul desta localidade, que dará servizo ao resto de municipios da Mancomunidade de Ourense, está prácticamente rematada. "Certificouse xa o 85 por cento, falta soamente o 15 por cento que son mobles e algún detalle máis", explicou José Manuel Fernández. "En marzo estimamos que se poderán facer os convenios de colaboración para que os nenos comecen en setembro", engade.