Moreiras expón a súa faceta máis divulgativa

A Fundación Curros Enríquez, en colaboración co Concello de Celanova e a Deputación de Ourense, acolle esta tarde ás 20,00 horas, a inauguración da mostra “Carteis cartazes affiches” de Baldomero Moreiras, comisariada pola consultora de arte ourensana Olga Pastor Alvarado. Un acto onde no faltará a música e que incluirá a presentación dun libro monográfico do artista, con textos de Xosé Poldras, Olga Pastor e Isidora Gil. Editado por Frenética Lab e a fundación celanovesa, a obra contén explicacións da técnica do cartel, da vida e obra de Moreiras e da importancia da educación no mundo das artes, ademáis de reproducións de varias obras.

En “Carteis cartazes affiches”, o artista celanovés achega una selección dos seus traballos en torno ao mundo do cartel conmemorativo e divulgativo, con traballos realizados coa técnica do collage artesanal. Nas paredes da casa natal de Curros Enríquez, veciños e visitantes poderán ver ata o 28 de setembro carteis de temática variada, dende festas e eventos recoñecidos da provincia, ata cartelería comercial, estampas de paisaxe de vilas e cidades, retratos de personaxes ilustres e incluso reivindicacións políticas.