O PSOE di que o alcalde de Cartelle ignora ós veciños

O Grupo Municipal Socialista de Cartelle vén de denunciar a “situación límite” que se vive neste municipio a causa da “deixación de funcións” por parte do goberno local. Aseguran que o executivo “fai caso omiso” ás reclamacións veciñais.

Os socialistas aseguran que na parroquia de Teixugueiras hai casas antigas en situación “moi precaria” e que representan “un grave perigo”. Do mesmo xeito, lamentan o estado das fontes e lavadoiros deste concello, tendo que limpar, os propios veciños, a fonte de Pereda.

Jesús Pereira, voceiro do PSOE, manifestou que o alcalde, Jaime Sousa, soamente aparece “para sacar fotos”.