Endesa creou a Dirección Territorial Noroeste co fin de xestionar mellor os seus activos de Galicia e El Bierzo (León), así como poñer de manifesto o carácter estratéxico que a zona ten para o futuro da compañía. Baixo a dependencia directa de José Bogas Gálvez, director xeral de España e Portugal, á fronte deste novo órgano figurará Francisco Aréchaga Rodríguez, ata agora director da mina de lignito de As Pontes.
Con iso, o novo director territorial pasa a asumir as responsabilidades executivas da empresa nestas comunidades, nas que se atopan, entre outros, os dous principais centros xeradores de Endesa, o de As Pontes, cunha central térmica de carbón de 1.468 megavatios e outra de ciclo combinado de gas natural de 834 megavatios, e o de Compostilla (Cubillos del Sil), cunha central carboeira de 1.200 megavatios.
Tamén se engloba a Unidade de Produción Hidroeléctrica Noroeste, que dende Ponferrada xestiona quince centrais que suman 679 megavatios de potencia instalada.
Ademais de coordinar os centros de produción, Francisco Aréchaga representará a Endesa en Galicia e El Bierzo e será o encargado das relacións institucionais no ámbito autonómico e municipal, especialmente naquelas materias en que as competencias radiquen nestas áreas, potenciando a imaxe integral da compañía ante todos os axentes cos que se relaciona.
Tamén se engloba a Unidade de Produción Hidroeléctrica Noroeste, que dende Ponferrada xestiona quince centrais que suman 679 megavatios de potencia instalada.
Ademais de coordinar os centros de produción, Francisco Aréchaga representará a Endesa en Galicia e El Bierzo e será o encargado das relacións institucionais no ámbito autonómico e municipal, especialmente naquelas materias en que as competencias radiquen nestas áreas, potenciando a imaxe integral da compañía ante todos os axentes cos que se relaciona.
