Atópase en estado grave. O sinistro tivo lugar no acceso á autoestrada dende Santa Marta de Bergondo (A Coruña).
Un home duns 91 anos de idade foi evacuado en estado grave ao hospital tras unha colisión rexistrada este mércores no municipio coruñés de Bergondo. O sinistro tivo lugar sobre as 11,30 horas deste mércores ao chocar dous vehículo no acceso á autoestrada dende Santa Marta en Bergondo, segundo informou o 112 Galicia.
O servizo de emerxencias indicou que ata o lugar se desprazou un equipo médico no helicóptero con base en Santiago de Compostela, ademais dunha ambulancia asistencial e outra medicalizada e un médico do PAC da zona. Unha ambulancia prestou asistencia a unha muller de mediana idade que recibiu un golpe no peito, mentres que, segundo indicaron fontes sanitarias, a medicalizada trasladou ao Hospital A Coruña a un home, C.G., de 91 anos.
