Os membros do Consello Nacional da Unión do Povo Galego (UPG) e os integrantes de Movemento Galego ao Socialismo (MGS), que xuntos conformaron a plataforma Alternativa pola Unidade (ApU), aprobaron cos seus únicos votos as listas coas que o BNG concorrerá ás municipais do próximo ano. Pola súa parte, o Encontro Irmandiño, corrente crítica que lidera o ex voceiro nacional Xosé Manuel Beiras, votou en contra, e os membros de MáisGaliza, que encabeza o voceiro parlamentario, Carlos Aymerich, abstivéronse.
Deste xeito foron ratificadas as listas -con 53 votos a favor, 10 en contra e 30 abstencións- que se aprobaran previamente nas asembleas locais cun claro dominio das candidaturas impulsadas pola Unión do Povo Galego (UPG), que encabeza as de Lugo, Ourense, Pontevedra, A Coruña, Santiago de Compostela e Ferrol. Pola súa parte, MáisGaliza, que no proceso local formou listas co Encontro Irmandiño, encabezará a candidatura de Vigo co actual tenente de alcalde, Santiago Domínguez.
Antón Bao, Isabel Pérez, Xosé Manuel Carril e Xoan Xosé Pita serán os cabeza de cartel de Lugo, Ourense, A Coruña e Ferrol, respectivamente; mentres que Miguel Anxo Fernández Lores repetirá como número un da lista do BNG en Pontevedra, onde gobernou as últimas tres lexislaturas.
O voceiro nacional do Bloque, Guillelme Vázquez, mostrouse satisfeito co resultado, posto que 'o máximo órgano de decisión entre asembleas é soberano'. 'Somos un grupo político tremendamente e absolutamente democrático, que adopta as cuestións de forma democrática', aseverou Guillerme Vázquez.
Os 'irmandiños' mantiveron a súa postura crítica coa cúpula nacionalista, da que non forman parte, e criticaron que a UPG 'consuma o seu control' nas cidades coa 'abstención de MáisGaliza', que asume as teses máis pactistas'. 'Son as listas menos plurais da historia do BNG', engadiron.
Antón Bao, Isabel Pérez, Xosé Manuel Carril e Xoan Xosé Pita serán os cabeza de cartel de Lugo, Ourense, A Coruña e Ferrol, respectivamente; mentres que Miguel Anxo Fernández Lores repetirá como número un da lista do BNG en Pontevedra, onde gobernou as últimas tres lexislaturas.
O voceiro nacional do Bloque, Guillelme Vázquez, mostrouse satisfeito co resultado, posto que 'o máximo órgano de decisión entre asembleas é soberano'. 'Somos un grupo político tremendamente e absolutamente democrático, que adopta as cuestións de forma democrática', aseverou Guillerme Vázquez.
Os 'irmandiños' mantiveron a súa postura crítica coa cúpula nacionalista, da que non forman parte, e criticaron que a UPG 'consuma o seu control' nas cidades coa 'abstención de MáisGaliza', que asume as teses máis pactistas'. 'Son as listas menos plurais da historia do BNG', engadiron.
