O conselleiro de Cultura, Educación e Ordenación Universitaria, Román Rodríguez, receita a educación do "campo político".
O conselleiro de Cultura, Educación e Ordenación Universitaria, Román Rodríguez, considerou hoxe que "a derrogación da Lomce supoñería un auténtico caos", polo que receita a todos os partidos "pensar nos alumnos" e sacar, polo tanto, a educación do "campo político".
O Pleno do Congreso debaterá e votará hoxe a toma en consideración dunha proposición de lei do grupo socialista que pide suspender o calendario de implantación da Lomce e substituíla posteriormente por outra norma educativa.
Consultado por este asunto no marco do almorzo "Fórum Europa. Tribuna Galicia", que protagonizou hoxe, o conselleiro insistiu en que calquera formación política que "aspire a ser seria ten que pensar nos alumnos", mentres que con este tipo de debates no Congreso parece "que se está pensando máis en cuestións de rédito político" que nas familias e o alumnado.
