Frikismo verbenero

Cunha presentación programada no Ouren Sound Fest para o domingo 29 de maio para presentar o seu proxecto conxunto “Los Rastreadores”, Grande Amore e Ortiga prometen poñer a súa cota de “frikismo” a un encontro que se perfila como o máis convocante da provincia de Ourense neste verán e que contará con artistas como Xoel López, Sés, Rayden, Tanxugueiras, Dakidarría, Sexy Zebras ou TanDub. “Los Rastreadores” responde o dúo formado por Grande Amore e Ortiga, o que é o mesmo Nuno e Chicho. Cada quen máis millennial, como non podía ser doutra maneira sendo galegos, teñen en común o gusto polas verbenas, un caldo de cultivo inevitable no que de tanto ferver saíu por resultado o tan amentado combo. Todo se resume no rótulo de música urbana, seica porque é difícil describir o que fan estes dous veinteañeros salvo que llos escoite en vivo e en directo, tal como fan eles coas orquestras que tanto lles gustan. Techno, rumba, ritmos latinos, rap recóllense no pop dos seis temas do EP que é o resultado da unión dun mozo de Fontiñas (Santiago de Compostela) que se obnubila con MC Pikachu e Estopa, e outro de Frexulfe (Lugo) que está sempre a escóitaa de Suicide e Extremoduro. No caso de Chicho, quen responde nestas liñas e é un recoñecido pioneiro do twerking rural, conta no seu haber cun disco que non pasou desapercibido nin moito menos grazas á súa desenvoltura, como foi “Chicho y sus Chichas” (2019). Tampouco pasará desapercibida a súa actuación xunto a Nuno no Ouren Sound Fest 2022. Como e por que se inicia “Los Rastreadores”? Iniciamos os Rastreadores porque Nuno e eu pasábamos moito tempo xuntos e temos moita afinidade personal e musical. Ao final é un proxecto que se nutre de ideas e proxectos que cada un ten para sí, pero que non acaban saindo adiante. Intercambiamos bases e ideas entre nós para que o outro lle dé o que lle falta. Como definirías o seu estilo? Frikismo. Non temos predilección por ningún género, estética ou algo parecido. Simplemente facemos a música que se nos pon día te independientemente de a que sone. Son oriúndos de Galicia, unha terra na que a verbena é a festa por natureza; imaxínanse que o día de mañá sexan os protagonistas arriba do escenario millennials como vostedes? Acabará pasando e eu creo que xa hai un gran número de traballadores nas orquestas que teñen a nosa idade. Todo o que sexa manter, mellorar e perpetuar esto paréceme ben. A playlist de Ortiga