Vilaza, no concello de Monterrei, xa ten todo listo para festexar as súas festas patronais en honra á Virxe da Asunción e San Roque. Hoxe arrancan coa II Gran Cea Popular no parque da Alameda, para continuar o domingo cunha das citas máis esperadas: a XII Carretada do Viño, amenizada pola Charanga Fuego a partir das 19,30 horas. A festa continuará coa verbena a cargo da discomóbil A Gramola.
O luns continúan os festexos cunha festa infantil e música da man da charanga Os Calqiueños e o grupo Jorge Menéndez Quartet. O día grande, o 15 de agosto, chega con un pasarrúas coa charanga Brexit para proceder á misa e procesión. Pola tarde chega a II edición dos Xogos do Polbo, na que poden participar persoas de todas as idades. A música correrá a cargo de la orquestra Compostela e A Gramola. O colofón final será o mércores con misa e procesión por San Roque da man da charanga Bandiños, cun partido de solteiros contra casados e música coa charanga Los Támega, La Banda de Ayer e A Gramola.
