Alberto Rodríguez encabeza a lista do Bloque Nacionalista Galego de Monterrei para as próximas eleccións municipais. É a terceira vez que se presenta á alcaldía de Monterrei, sendo actualmente o único edil nacionalista no Concello.
Natural de Albarellos e con 40 anos, Rodríguez asegura estar "onde os meus veciños precisan, pois a defensa dos intereses de calquera persoa do concello, independentemente da súa ideoloxía, é o máis importante, e precisan que se escoiten". Por iso, o nacionalista afronta esta nova campaña como "un novo reto" no que encabeza a lista con "13 persoas detrás que me acompañan, e con capacidade de superación e de traballo. Imos demostrar que o BNG veu a superarse e a gañar, imos ser a chave do cambio este 28 de maio".
De número dous na lista nacionalista de Monterrei atópase Montserrat Piris, avogada natural de Infesta. "É unha rapaza con tesón e cunha capcidade de traballo admirable", anota o candidato. Vicente Ferreiro, xubilado natural da Madanela, ocupa o terceiro posto debido a súa "boa relación coa xente nova admirable, e sempre pendente do seu pobo, para servir aos veciños", engade Rodríguez.
Como gran novidade, o BNG de Monterrei incorpora este 2023 a Jorge Salgado, natural de Albarellos e traballador do sector da viticultura.
Lista do Bloque Nacionalista Galego de Monterrei para as próximas eleccións municipais
- Alberto Rodríguez García
- Montserrat Piris Lamas
- Vicente Ferreiro Justo
- Jorge Salgado Borges
- Manuel Soutelo Salgado
- Hilda Fernández Rodríguez
- María del Carmen Martínez Martínez
- Laura Alves Campos
- Nuria Rivero Borrajo
- María Isabel Damil Domínguez
- David Salgado Borges
