Kotodama, a escola de teatro de Verín, realizou un taller intensivo de cabaret no que participaron un total de 11 persoas de todas as idades. Celebrouse no Pavillón Municipal da man de Laura, bailarina de Adra (Almería) e organizado por Santi Cañaveral, director de Kotodama.
É unha dos diversos cursos que organiza esta escola teatral e segundo destacou Cañaveral, os participantes no curso acabaron descubrindo que "o cabaret non é só sensualidade ou picardía, senón que o máis importante é o espírito de grupo, un mantra no que Kotodama pon moita énfase". Esta formación incluíu unha mostra final de media hora ante o público na propia escola de teatro.
Agora, Kotodama xa prepara o seguinte obradoiro: será o segundo curso de interpretación ante a cámara e desenvolverase en abril. Para xuño, o director da escola organiza un taller intensivo de clown, da man do arxentino Marcelo Katz.
