O PP verinés esixe unha comisión do plan urbanístico

Os populares esixiron ao grupo de goberno PSOE-BNG que constitúa unha comisión de seguemento do novo Plan Xeral de Ordenación Municipal (PXOM) no que tamén estea representado o único partido da oposición.

O PP verinés busca desta forma estar tamén informados sobre “as variacións realizadas respecto do PXOM de 2012, os cambios de clasificación do solo, as alegacións recibidas e a súa aceptación, así como os informes das administraciones sectoriais”, xa que afirman que son “moitos os veciños que se achegan á nosa sede para preguntar pola súa tramitación”.

O novo PXOM aprobouse inicialmente en pleno o ano pasado, ante a pérdida de vixencia do Instrumento de Ordenación Provisional (IOP) de 2021. O Tribunal Superior de Xustiza de Galicia (TSXG) anulou posteriormente o IOP, unha decisión que o Concello verinés recurriu ante o Tribunal Supremo.

Os populares verineses afirman que a sentenza está “a piques de saír, e case con total seguridade ratificará a anulación do TSXG”, o que provocará “moitos problemas aos veciños que queiran construír novas vivendas”.

“Ninguén sabe da sentenza”

O alcalde, Gerardo Seoane, comentou que o PXOM está na súa “fase final”, pendente do informe de Medio Ambiente, que prevé “favorable”. Sobre o recurso da IOP, “non se sabe como nin cando saerá”, pero di que nada cambiará aínda que “saia en contra”.