Obras de mellora na OU-1006 ao seu paso por Vilardevós

concello de Vilardevós
photo_camera A casa consistorial de Vilardevós. (Foto: Concha Caneiro).
As obras están realizándose na estrada que comunica Vilardevós con Vilarello da Raia

O Concello de Vilardevós vén de dar por iniciadas a pasada semana as obras na estrada OU-1006 que une Vilardevós con Vilarello da Raia, unha obra financiada pola Deputación de Ourense.

Cun presuposto de 372.000 euros, preténdese acondicionar e mellorar o estado desta estrada, debido a afluencia de tráfico que ten.

Esta obra enmarcase nun proxecto que alberga tres fases: a primeira -xa rematada- contaba cun presuposto de 120.000 euros; esta segunda está en marcha e espérase que a terceira fase remate o acondicionamento da estrada, con aglomerado ata a aldea de Florderrei, para o que se contará con 500.000 euros.

Manuel Cardoso, alcalde de Vilardevós, asegura que "era necesario e estamos moi contentos, pois dará gran servizo aos veciños da contorna".

Te puede interesar