A Biblioteca do Carballiño organiza obradoiros en contra da violencia de xénero

O primeiro obradoiro dos catro previstos pola Biblioteca municipal do Carballiño para este mes de agosto encheu o salón de actos da Casa da Cultura. Un total de 90 nenos da gardería Trastes e do servizo municipal Bo día Familia asistiron a este taller que se desenvolveu enmarcado no Pacto de Estado contra a violencia de xénero, e dentro do programa Ler conta Moito.

Os obradoiros sobre a violencia de xénero que organiza o Concello do Carballiño están dirixidos a nenos de 3 a 14 anos, e desenvólvense na Biblioteca. Os próximos terán lugar o 21, o 23 e o 30 de agosto. Todos en horario de 12,00 a 13,00 horas.

Para poderse inscribir hai que facelo na Biblioteca Pública Municipal, no email biblioteca@carballino.gal, no facebook da biblioteca ou no teléfono 607062626.

As autoridades municipais animan ás familias a que apunten aos rapaces nesta actividade coa que se pretende concienciar aos nenos sobre a igualdade de homes e mulleres.