El ciclo de soldadura ha cubierto todas las plazas en el IES Chamoso Lamas

photo_camera Encontro das autoridades cos responsables da empresa, dirección do centro e alumnos.
As prácticas deste ciclo xa están garantidas polas empresas do parque empresarial do Carballiño, Dizmar e Gri Towers

A finais do mes pasado botaba a andar o primeiro ciclo de FP Dual de Soldadura e Calderería do Instituto Chamoso Lamas nas instalacións de Dizmar, empresa ubicada no polígono industrial do Carballiño, que conta con varios centos de traballadores e proxectos internacionais na súa carteira, e que decidiu ceder o espazo e a maquinaria necesaria para que comezara este ano a formación. Desde a mesma, o seu responsable Carlos Rivas, que tamén foi o promotor do ciclo de formación profesional na vila, destaca a boa acollida que tivo ao cubrirse a totalidade das prazas ofertadas e a importancia que vai ter na formación do alumnado e na creación de man de obra especializada para as empresas do sector do Carballiño. De feito, as prácticas xa están garantidas polas empresas do parque empresarial do Carballiño, Dizmar e Gri Towers.

O Concelleiro de Emprego, José Manuel Dacal, agradeceu durante o encontro co alumnado a implicación das empresas, do Instituto Chamoso Lamas e da Consellería de Educación.

Te puede interesar