Unha conferencia inaugura o 150 aniversario de Antonio Palacios

O próximo 8 de xaneiro cúmprese o 150 aniversario do nacemento de Antonio Palacios e o Centro de Estudios Chamoso Lamas, en colaboración co Concello do Carballiño, ten programado para ese día ás 20,30 horas, na Casa da Cultura, a conferencia “A Veracruz do Carballiño: testamento arquitectónico de Palacios”, que será impartida polo arqueólogo e museólogo carballiñés Felipe Senén.

O acto enmárcase dentro do programa que elabora o Concello co lema: “2024: Ano de Antonio Palacios”. Así, está a piques de finalizar na capital de España a exposición “Antonio Palacios. El rumor de la historia, el ruido del tiempo. Dibujos de arquitecturas externas a Madrid”, elaborada polo Colexio Oficial de Arquitectos de Madrid e a Fundación Arquitectura COAM coa colaboración do Concello de Madrid. Esta mostra poderá verse tamén na Coruña e Vigo.

A exposición conta cun catálogo no que Felipe Senén escribiu un artígo a propósito da simboloxía e significado da obra palaciana, específicamente, a obra desenvolvida en Galicia, cunha aportación concreta no que respecta ao Templo da Veracruz.Tamén inclúe un documental no que este templo é unha das pezas clave.