A feira de artesanía de Flores de Carballiño espera a Pepa Loba

O Barrio de Flores volverá a ser escenario este próximo fin de semana das andanzas da famosa bandoleira Pepa Loba e a súa gabilla. A Asociación Veciñas e Amigos de Flores xunto co grupo de Teatro Dar Trela ofrecerán sorprendentes novidades nesta 27ª edición dedicada a creadora e impulsora desta feira de artesanía, a xa finada Rosa Núñez, e aos demais veciños desaparecidos.

A representación vai ser novelada cun desenlace final, con gran dinamismo e moito amor, segundo apuntaban os seus artífices. Será o sábado, ás 19,30 horas; e tamén se ofrecerá por primeira vez unha versión infantil ao día seguinte. Haberá postos de artesanía, exhibición de oficios, xogos, obradoiros, lecturas colectivas e moita música, ademais dunha comida o domingo. A feira inaugurase o venres, na Eira de Flores, cunha charla homenaxe ao barrio e veciños, a cargo de Inés Banga e Luis Álvarez.