O IES Chamoso Lamas organiza un encontro de emprendedores

O IES Manuel Chamoso Lamas acolle o próximo 16 de maio, dende as 09,30 ata as 12,30 horas, no salón de actos do centro, a II Xornada de Emprendedores, un proxecto educativo para o fomento da iniciativa emprendedora.

O obxectivo desta xornada organizada polo instituto non é outro que dar a coñecer ao alumnado os recursos que teñen para poder emprender o seu propio negocio e ter de primeira man a experiencia de varios emprendedores que no seu día se lanzaron co seu proxecto.

Entre os relatores figuran Miriam Sampayo, Roberto Ameijeiras e Adrián Caamaño; e aportando as experiencias en primeira persoa Marcos Otero, da Cooperativa Loureiro; David Janeiro, de Prexy Automoción; María Diz, de Robingal; Nuria Iglesias, presidenta de AJE Ourense Mobify, e Abel López, de Máis escola e Finca Tío Herminio.