O modelo da queima de residuos orgánicos para a súa eliminación definitiva xa está caduco, según os opositores á planta de tratamento para o sur de Galicia, que promoveu a empresa Estela Eólica para ubicala en montes comunais do municipio de O Irixo. Por elo, os representantes das plataformas 'Incineradora no Irixo, non' e 'Incineradora, non', do Carballiño, e 'Incineradora no Deza, non', desta comarca pontevedresa, plantexarán ós candidatos á presidir a Xunta que inclúan nos seus programas electorais o rexeitamento da incineración coma proceso principal á hora de eliminar o lixo.
As agrupacións carballiñesas e dezana instalaron, na mañá de onte, unha mesa na Praza Maior do Irixo para a recollida de sinaturas a favor da Iniciativa Lexislativa Popular (ILP) que será presentada no Parlamento galego, e que reivindica a reducción, reciclaxe e reutilización, e a compostaxe dos residuos coma a mellor fórmula para solucionar o problema actual da planta de Sograma.
SINATURAS
Segundo indicaron fontes da Federación Ecoloxista Galega (FEG), que integra a meirande parte das asociacións en defensa do medio ambiente, o número de sinaturas recollidas xa supera as 5.000 en toda Galicia, é dicir, un tercio das necesarias para validar a tramitación da iniciativa parlamentaria. Xosé Manuel López, voceiro da plataforma 'Incineradora no Deza, non', que onte estivo presente no Irixo, suliñou que 'o modelo que está a seguir o Goberno autonómico hai que modificalo, xa que tan só unha pequena porcentaxe de lixo se recicla'.
Deste xeito, os representantes destes colectivos iniciarán contactos con Alberto Núñez Feijóo, do PP; Pachi Vázquez, do PSdeG-PSOE, e Francisco Jorquera, do BNG, así como co resto de candidatos á presidir o Goberno galego logo das eleccións do 21 de outubro, para que se posicionen en contra da incineración. López advirte que 'a postura a favor ou en contra é unha decisión que debe tomar cada partido, e nós explicarémoslles ós cidadáns galegos cal foi'.
Inicialmente, tanto PSdeG coma BNG xa subscribiron un documento de apoio á ILP, unha iniciativa que será presentada, unha vez se complete o número de sinaturas, ante os deputados do novo Parlamento. Nesta mesma semana, os voceiros socialistas nas Corporacións municipais da comarca carballiñesa instaron ó actual Goberno da Xunta que manifeste claramente a súa postura definitiva encol do proxecto da planta de residuos para O Irixo.
Os representantes do PSdeG nos concellos indicaron que 'ten que rematar o clima de tensión e enfrentamentos entre veciños do Irixo pola ubicación da incineradora'. Un proxecto que aínda se atopa en fase de avaliación polos técnicos da Consellería de Industria.
SINATURAS
Segundo indicaron fontes da Federación Ecoloxista Galega (FEG), que integra a meirande parte das asociacións en defensa do medio ambiente, o número de sinaturas recollidas xa supera as 5.000 en toda Galicia, é dicir, un tercio das necesarias para validar a tramitación da iniciativa parlamentaria. Xosé Manuel López, voceiro da plataforma 'Incineradora no Deza, non', que onte estivo presente no Irixo, suliñou que 'o modelo que está a seguir o Goberno autonómico hai que modificalo, xa que tan só unha pequena porcentaxe de lixo se recicla'.
Deste xeito, os representantes destes colectivos iniciarán contactos con Alberto Núñez Feijóo, do PP; Pachi Vázquez, do PSdeG-PSOE, e Francisco Jorquera, do BNG, así como co resto de candidatos á presidir o Goberno galego logo das eleccións do 21 de outubro, para que se posicionen en contra da incineración. López advirte que 'a postura a favor ou en contra é unha decisión que debe tomar cada partido, e nós explicarémoslles ós cidadáns galegos cal foi'.
Inicialmente, tanto PSdeG coma BNG xa subscribiron un documento de apoio á ILP, unha iniciativa que será presentada, unha vez se complete o número de sinaturas, ante os deputados do novo Parlamento. Nesta mesma semana, os voceiros socialistas nas Corporacións municipais da comarca carballiñesa instaron ó actual Goberno da Xunta que manifeste claramente a súa postura definitiva encol do proxecto da planta de residuos para O Irixo.
Os representantes do PSdeG nos concellos indicaron que 'ten que rematar o clima de tensión e enfrentamentos entre veciños do Irixo pola ubicación da incineradora'. Un proxecto que aínda se atopa en fase de avaliación polos técnicos da Consellería de Industria.
