O Concello do Carballiño ultima os preparativos para a actuación da orquestra Panorama, prevista para o próximo día 5 de maio. O espectáculo será na Praza da Veracruz e posiblemente haberá dous pases, un antes da cea e o segundo de madrugada.
Despois de suspender os obradoiros infantís por causa da choiva destes últimos días, retomáronse onte na Praza Maior e continuarán ata o domingo, segundo confirmou o concelleiro de Cultura, Diego Fernández.
Asi mesmo, para este xoves está prevista a actividade “Entre vinilos, lusco e fusco”, uha viaxe polo pop-rock dos anos 80, na Praza Maior, ás 20,00 horas. Este venres continuará a programación infantil con Paco Nogueiras e o “Radio bule bule”, ás 19,00 horas, na Praza Maior. Ademais, o día 17 Coles Teatro representará “Pepa a Loba”, dentro do Teatro Amador.