O Ribeiro

Turismo de Galicia premia ao casco urbán ribadaviense

O Ribeiro

O RIbeiro

Turismo de Galicia premia ao casco urbán ribadaviense

Un dos edificios da vila de Ribadavia.
photo_cameraUn dos edificios da vila de Ribadavia.
Os Premios Galicia de Turismo recoñecen a mellor localización natural, urbana, histórica ou cultural 

Ribadavia será recoñecida nos Premios Galicia de Turismo 2019 co galardón o mellor "Escenario", que se entregará durante a gala que terá lugar o vindeiro 3 de decembro no Teatro Rosalía de Castro da Coruña. O premio "Escenario", que recoñece a mellor localización natural, urbana, histórica ou cultural destacada pola súa beleza, relevancia, coidado e conservación de Galicia, foi outorgado polos participantes na enquisa aberta ata o pasado domingo á noite na páxina web premiosgaliciadeturismo.gal. 

Rivadavía competía neste ránking con outras 23 localizacións, 6 de cada provincia, preseleccionadas por un comité do Clúster Turismo de Galicia. Con 1.662 votos, a vila ourensá resultou a máis votada, seguida da coruñesa Torre de Hércules (1.279 votos) e do lucense Fuciño do Porco (1.094 votos).

Os Premios Galicia de Turismo, que nacen neste ano 2019, son o máximo recoñecemento que outorga a industria turística a persoas, institucións e entidades polo seu traballo a prol da consolidación de Galicia como destino turístico acolledor, contemporáneo, innovador, de calidade e respectuoso co medio ambiente natural.