Xosé Lois González , o humorista gráfico que creou o personaxe do Carrabouxo, perdeu a conta dos reclamos feitos aos diferentes alcaldes que pasaron polo Concello de Ourense dende que a estatua adicada a este icono do humorismo gráfico sobrevive acosada entre mesas de terrazas en San Lázaro. A concelleira de Seguridade Cidadá, María del Mar Dibuja, responde a unha pregunta do BNG sobre a situación: "Foilles requirido (aos establecementos anexos) o seu distanciamento da figura en reiteradas ocasións e ante a desobediencia manifesta serán sancionados".
O protagonista das viñetas diarias de La Región ten un monumento no Parque de San Lázaro dende o ano 2002, feito polo escultor César Lombera. Os ataques dos vándalos–pintadas, pegada de carteis e ata tirar a obra ao chan–uníronse ao longo dos anos á situación do monumento: entre veladores, sen distancia. "É triste que teña que andar eu detrás, que son o autor dun personaxe tan admirado, para que se conserve con dignidade este boneco que xa é de todo Ourense, é unha propiedade moral e familiar de todos os ourensáns. Está atosigado", quéixase o debuxante Xosé Lois González. "É unha estatua mártir, pero tamén o son os cidadadáns que non teñen acceso a ela, que non se poden facer fotos, que está nunha situación totalmente indignante para un monumento público", engade.
O humorista gráfico remite á lei de protección de monumentos. "Ten que ter distancia para que o público poida acceder á estatua, dio a lei. Aínda que as mesas foran legais, imcúmprese a lei de Patrimonio de Galicia que di que ten que haber unha área de respecto, de distancia dos monumentos", incide o creador. Ao final, retranca: "Non sei se é a confianza porque o Carrabouxo é tan entrañable que parece que se pode facer o que quiera con el, pois non".
O plan “cultura na rúa" limpará 18 monumentos
O plan de limpeza "Cultura na rúa", promovido polo tenente alcalde Jorge Pumar, inclúe a posta en valor de 18 monumentos da cidade cunha limpeza exhaustiva, a cargo de Ecourense. A estatua de O Carrabouxo forma parte destas actuacións que xa se fixeron nas seguintes obras: Trabajo de formas, Padre Feijóo, San Rosendo, Concepción Arenal, Rey de Viana, Los Ramones y Gran Mural de Antonio Faílde. "Es un proyecto pionero y ayudará a recuperar el pulso social y comercial", di Pumar.