Noa Presas é a cabeza do BNG por Ourense para o Congreso
A portavoz do BNG, Ana Pontón, definiu ó seu partido como “a garantía para que Galiza conte” na presentación das candidaturas nacionalistas ourensás para o Congreso e o Senado.
Por iso, pediu á cidadanía que “acuda as urnas coa cabeza e o corazón en Galiza”. Deu así o seu apoio á candidata ourensá, Noa Presas. Pontón destacou “o rigor, a paixón e o compromiso coa xente” de Noa Presas, “unha referencia indiscutible” tralo seu traballo no Parlamento galego. Pola súa banda, Presas afirmou que “este é un momento histórico” para facer que “Ourense conte con representación e teña voz en Madrid”.
