A estatua atópase dende hai meses oculta polos parasoles das terrazas
A estatua do Carrabouxo, un dos emblemas de Ourense, era un dos símbolos máis identificables do parque de San Lázaro. Non obstante, os parasoles das terrazas que hai na zona ocultan case por completo a estatua, un feito que critican dende o BNG. A concelleira nacionalista, Ruth Reza, recorda que dende o seu partido levan meses denunciando esta situación nas reunións de área, sen obter ningunha resposta por parte do goberno municipal. "A alguén lle pode entrar na cabeza que "a Castiñeira" ou "a Leiteira" estivesen cubertas cun saco"?, pregúntase Reza.
Para o BNG, este feito pon de evidencia o desinterese do goberno municipal sobre a cultura da cidade. "Coñeciamos a falta de respecto e desleixo deste goberno coa cultura de Ourense, mais agora vemos a falta de respecto co patrimonio cultural do Concello de Ourense".
