A maiores, na xunta de goberno se fixaron os prezos de oito publicacións que editará o ente provincial
A Deputación de Ourense aprobou na xunta de goberno unha axuda de 216.000 euros ao Club Ourense Baloncesto destinada aos gastos de funcionamento e mantemento do club co obxectivo de "fomentar o deporte na provincia". O comunicou en rolda de prensa a deputada Montserrat Lama que quixo destacar o compromiso do ente provincial co COB. Asegurou que "apoiar ao COB é apoiar á provincia de Ourense, aos afeccionados e aos deportistas, potenciando ao mesmo tempo a marca Ourense".
Na xunta de goberno tamén se aprobou a fixación de prezos de venda ao público de oito publicacións que editará a Deputación de Ourense:
- Edición y análisis de la correspondencia entre José Ángel Valente y los poetas españoles de su edad
- Apuntes históricos de Cortegada de Baños
- Aqua, divi, urbs (agua, dioses, ciudad): excavaciones arqueológicas en As Burgas
- Cemiterios esquecidos: o fenómeno tumular na comarca do Arenteiro
- Arqueoloxía do viño. Os lagares rupestres da comarca de Monterrei
- Los perdedores. La represión política en Galicia en el siglo XIX
- El señorío de Lobás en la Edad Moderna
- O farmacéutico e deputado de Cortegada José Ojea
Tamén se aprobou a expropiación forzosa no Concello da Teixeira dos terreos afectados pola execución da obra de “acondicionamento e mellora integral na OU-0606 Valilongo-A Teixeira”, estrada que une a localidade de Valilongo coa capitalidade do municipio.
