Breogán Graña, Alejandro de Dios, Sandra Pereira, Nerea Rodríguez, Dana Sotelo, Raúl Dapía, Elías González e Héctor Pérez son os “oito fantásticos” de 3º de la ESO D do IES Otero Pedrayo. Este grupo de alumnos gañou o primeiro premio do Rally Matemático “Sen Fronteiras”, unha iniciativa da Institución Galega da Ciencia(Igaciencia), entidade dependente da Consellería de Educación. O obxectivo é promover o coñecemento e a divulgación da ciencia en galego entre a mocidade.
Os oito rapaces foron os mellores de Galicia neste certame, que por mor da pandemia tivo que celebrarase de xeito telemático. Non é a primeira vez que o alumnado do IES Otero Pedrayo destaca nas matemáticas, xa que conta con máis grupos destacados no propio Rally Matemático e con alumnos destacados noutros concursos relacionados con esta disciplina. Rosa Álvarez, a profesora que coordinou a iniciativa, presume dos oito alumnos que “son os mellores de Galicia” e lémbrase da “marabilla de participación”, xa que se tivo que facer unha criba porque só podían participar oito rapaces na proba. “Quería ir toda a clase! É voluntaria e fan un gran esforzo”, di a profesora.
