A Mezquita cantou os reis na tarde do xoves

Este xoves, os veciños participaron na xornada de “cantar os Reis”, que marca o primeiro día dunha celebración de catro xornadas cheas de unidade e compañeirismo.

Desde o almorzo ata a cea, os veciños únense para compartir momentos nunha festa que destaca pola súa capacidade de unión. Na tarde de onte, a elaboración dos ramos abriu as actividades, adornando estas creacións con froita, figos, noces, flores e bica, que serán os protagonistas do día do aguinaldo, acompañados polos tradicionais zamarreiros.

E xunto a esta colorida tradición, nesta primeira xornada tamén se cantaron os reis, percorrendo casa por casa, degustando as galletas e viño que cada veciño do lugar lles ofrece ao seu paso.

A Festa dos Reis mantén viva a esencia das tradicións e reforza días de convivencia en A Mezquita, marcando o inicio dunha época festiva chea de cor e alegría.