Cuatro cooperativas educativas constituidas nos CEIP Manuel Luis Acuña e Vistahermosa, e no centro de educación especial Miño, e nas que se integran 81 alumnos, serán algunhas das novidades que se presenten na feira Eco-emprendedores que terá lugar no Xardín do Posío os vindeiros días 7 e 8 de maio.
A feira encádrase no Proxecto Ecoemprende, financiado polo Concello de Ourense, a Fundación Biodiversidade e o Fondo Social Europeo, e ten por obxectivo fomentar a cultura emprendedora e propiciar o desenvolvemento de actividades produtivas respectuosas co medio ambiente e orientadas ao aproveitamento racional dos recursos.
Neste senso, a feira busca amosar as iniciativas de pequenas e medianas empresas do sector medioambiental desenvoltas en toda Galicia.
A iniciativa educativa coa que acuden á feira os estudantes ourensáns (de 4º, 5º, 6º de ESO e Educación Especial) nace no contexto dos programas de Fomento da Cultura Emprendedora que impulsa o Concello de Ourense. Os alumnos elaboraron os seus propios productos, que poderán comercializar en Eco-Emprendedores grazas aos 'permisos de venda virtuais' que onte lle foron concedidos nun acto no que participou o concelleiro de Facenda e Promoción do Emprego, Agustín Fernández, e o director xeral, Xosé Vázquez Barquero.
A proposta dos estudantes xurde dos programas educativos 'Emprender na miña escola' e 'Unha empresa no meu Centro', que o Concello patrocina coa colaboración da empresa pública Valnarón, de Asturias. O primeiro programa estase a implementar nos CEIP Manuel Luis Acuña e Vistahermosa, e o segundo no centro de educación especial Miño.
A feira Eco-emprendedores está dirixida a colectivos como os dos traballadores e directivos de pequenas e medianas empresas, traballadores por conta allea, profesionais laborais (avogados, economistas, xornalistas, etc), así como empregados agrarios ou de cooperativas e entidades de economía social. A organización prevé unha afluencia de 1.500 persoas.
O evento contará con actividades complementarias como cursos de cestería, obradoiros de cociña ecolóxica, recoñecemento de especies arbóreas, catas ou exposición de vehículos híbridos e eléctricos.
Neste senso, a feira busca amosar as iniciativas de pequenas e medianas empresas do sector medioambiental desenvoltas en toda Galicia.
A iniciativa educativa coa que acuden á feira os estudantes ourensáns (de 4º, 5º, 6º de ESO e Educación Especial) nace no contexto dos programas de Fomento da Cultura Emprendedora que impulsa o Concello de Ourense. Os alumnos elaboraron os seus propios productos, que poderán comercializar en Eco-Emprendedores grazas aos 'permisos de venda virtuais' que onte lle foron concedidos nun acto no que participou o concelleiro de Facenda e Promoción do Emprego, Agustín Fernández, e o director xeral, Xosé Vázquez Barquero.
A proposta dos estudantes xurde dos programas educativos 'Emprender na miña escola' e 'Unha empresa no meu Centro', que o Concello patrocina coa colaboración da empresa pública Valnarón, de Asturias. O primeiro programa estase a implementar nos CEIP Manuel Luis Acuña e Vistahermosa, e o segundo no centro de educación especial Miño.
A feira Eco-emprendedores está dirixida a colectivos como os dos traballadores e directivos de pequenas e medianas empresas, traballadores por conta allea, profesionais laborais (avogados, economistas, xornalistas, etc), así como empregados agrarios ou de cooperativas e entidades de economía social. A organización prevé unha afluencia de 1.500 persoas.
O evento contará con actividades complementarias como cursos de cestería, obradoiros de cociña ecolóxica, recoñecemento de especies arbóreas, catas ou exposición de vehículos híbridos e eléctricos.
