Pereiro de Aguiar renova a caseta de información para turistas

O punto de información turística do Pereiro de Aguiar, ubicado en Cachamuíña, estrea nova imaxe trala obra de remodelación da caseta. A intervención, valorada en 60.000 euros, contou coa colaboración da Xunta de Galicia e da Deputación, dentro das liñas de apoio para mellorar as infraestruturas turísticas.

As obras incluirón o acondicionamento da parcela da caseta coa creación de prazas de aparcamento e dunha área de descanso, así como a renovación da imaxe exterior da mesma como punto de atracción turística. Por outra banda, o Concello mellorou a sinalización turística e instalou novos elementos en diversas zonas do municipio, como á entrada de Pereiro dende o parque tecnolóxico, no novo aparcamento de Cachamuíña ou na entrada da capitalidade. Ademais, o goberno local completou os recursos existentes na páxina web.