Carmen Acuña do Campo, deputada do PSdeG, lamentou onte que como consecuencia da xestión levada a cabo pola xerente do Complexo Hospitalario de Ourense (CHOU), Eloína Núñez, a 'sanidade cobre outra vítima', en referencia á dimisión de Anabel Barrios Castro como xefa de servizo de Cirurxía Vascular. A dimisión 'non é algo que sorprenda, debido a precariedade dos recursos' nesta unidade. Acuña sinalou que 'a día de hoxe o equipamento do CHOU en radioloxía vascular é o máis antigo de Galicia'.
Pero un comunicado de última hora do propio Complexo Hospitalario aseguraba que a deputada confunde o servizo de Anxioloxía e Cirurxía Vascular co de Radioloxía Vascular Intervencionista. Nega que Cirurxía Vascular traballe en precario e ademais di que non ten nada que ver co servizo ó que o atribúe a socialista, á que critica polo seu alarmismo.
