O derradeiro acontecemento presencial do ano que tivo como protagonista do Día das Letras Galegas a Florencio Delgado Gurriarán (Córgomo, 1903; Fair Oaks-California, 1987) consistirá na preestrea de “Florencio na Terra”, un documental realizado polo director de Petín, Domingo D. Docampo, e producido por SocialDocs. A proxección será realizada no Centro Cultural Avenida e dará comenzo ás 20,00 horas de hoxe.
A película foi gravada na comarca valdeorresa e en terras mexicanas, e inclúe secuencias de animación que recrean diferentes episodios da vida do poeta vilamartinés, favorecendo tamén un achegamento persoal e creativo á figura do escritor exiliado en México.
Anque a estrea da longametraxe documental non terá lugar ata o vindeiro ano, 2023, o público do Centro Cultural Avenida poderá asistir a un avance na tarde de hoxe.
