Conferencia coa doutora Guillón e magosto o día 30 en Grou

A asociación veciñal do Grou, en Lobios, organizou para o sábado día 30 de novembro unha charla informativa con Cristina Guillín Amarelle, doutora do servizo de Endocrinoloxía e nutrición. O encontro, fixado para ás 17,00 horas, permitirá abordar aspectos como a síndrome metabólica, os mitos e realidades dunha alimentación saudable e a importancia do exercicio físico. O acto será presentado polo doutor Hugo Gómez e será de acceso libre e gratuíto para os socios (3 euros o resto).

Como colofón á xornada, os veciños e asistentes poderán desfrutar do magosto popular que comezará ás 19,30 horas. Unha degustación que precisa inscrición previa e que inclúe bolos preñados, costela, bica doce, viño e auga (prezo socios 6 euros, resto 9).