O exalcalde Rafael Pérez será velado mañá en Mugueimes

A Casa da Cultura do Concello de Muíños acollerá o venres a partir das 10,00 horas o velorio das cinzas do exalcalde do Concello entre os anos 1983 e 1995, o socialista Rafael Pérez Martínez. Ata as 12,00 horas de hoxe será velado no Tanatorio das Burgas. O funeral será o sábado, ás 16,00 horas, na igrexa de San Pedro de Muíños .

Tito, como era coñecido entre os seus amizades, faleceu o pasado martes na súa casa no Laxal, en Muíños. Unha perda dun “militante exemplar e unha excelente persoa sempre entregada ao partido e ao benestar da veciñanza”, lamentan dende o PSdeG-PSOE, destacando o “compromiso” de ”implicación coa defensa da socialdemocracia que caracterizou súa vida”, destacan dende o PSdeG-PSOE Provincial de Ourense.