Homenaxe en Muíños ás vítimas do fascismo

O Comité pola Memória Histórica do Val do Limia organiza esta tarde, ás 17,00 horas, no parque forestal de Outeiro da Cela, en Muíños, unha homenaxe as vítimas antifascitas da localidade. Deste xeito, o comité continúa a tarefa iniciada na curva de Fontaboa o 14 de setembro de 2019 e que seguiu nos sucesivos veráns na ponte de Boado e Guimil, no Pozo do Inferno en Lobeira e en Ferreiros de Entrimo o ano pasado.

O acto poético e musical incluirá a inauguración dun monolito de granito, obra do mestre canteiro Diego Currás, que levará gravados os nomes das catro vítimas mortais confirmadas: Benito Valencia, Lisardo Rodríguez, José Álvarez e Lino Tejada.