Meaus exalta a amizade de España, Portugal e Senegal

A aldea de Meaus, no concello de Baltar, acollerá do 26 ao 29 de xuño a Semana da Amizade. Un punto de encontro transfronteirizo da amizade, a cultura, a astronomía e a diversidade nunha aposta pola colaboración entre España e Portugal e cun convidado especial, Senegal.

A Asociación Os Mixtos lidera a organización, coa colaboración do Concello de Baltar e outras asociacións como Bregal, Inov-Terra, Asanta Teranga e Salzedas, que inclúe un programa cheo de actividades para todas as idades: concertos, teatro popular, mesas redondas, obradoiros, olimpiadas e ceas temáticas de acceso libre e gratuíto (salvo os xantares, que terán prezo simbólico), así como zona de pernoita.

Asociacións, artistas, mozos, veciños e visitantes de ambos lados da ‘raia’ reuniranse nunha programación que arrancará mañá xoves ás 10,00 horas, cunha mesa de benvida de cooperación transfronteirza, seguida de un faladoiro sobre dinamización rural e xuventude. Pola tarde, ás 17,00 horas, obra de teatro do CEIP Baltar, seguido do obradorio de decoración e música tradicional española.

O venres ás 11,00 horas está prevista a charla sobre Erasmus+ e seguido unha actividade lúdica (Peddy paper). Pola tarde haberá obradoiros de cocina portuguesa e baile africano e, tra-la cea con sabores lusos no restaurante Chaves do Couto, concerto de Baba Sall. O cartel de actividades intensificarase o sábado con máis obradoiros, teatro e música, e unha gran cea popular con queimada.