Espazo Común insta ao alcalde do Carballiño a comprar na vila

Espazo Común de Carballiño esixe ao alcalde, Francisco Fumega, que deixe de mercar e contratar empresas de fóra do concello. Asegura que durante o ano 2019, das 54 empresas convidadas por decreto de alcaldía a concursos de obras, só 17 eran carballiñesas e 37 de fóra.

O mesmo acontece, segundo sinala, "con infinidade de compras de produtos que se poderían facer no comercio local coma, por exemplo, o caso da rede parabalóns adquirida nunha tenda de Lalín por 810 euros".