Espazo Común pregunta sobre o novo parque empresarial

INFRAESTRUCTURAS

O grupo municipal Espazo Común pedirá no próximo pleno a ampliación do parque empresarial

O grupo municipal Espazo Común defenderá no próximo pleno unha moción mediante a que pide que se convoque unha reunión de toda a Corporación do Carballiño coas partes implicadas para dar conta da situación actual do proxecto de ampliación do parque empresarial.

Este grupo da oposición lembra que xa no ano 2015, o alcalde Francisco Fumega, marcaba este proxecto como prioritario “pola inxección económica que debía supor. Creación de gran número de empregos, captación de poboación xove coa conseguinte mellora demográfica, consolidación como eixe industrial da Galicia interior”, matizan os concelleiros, polo que pretenden saber en que momento está o proceso.